نحلم بمجتمع واع ومشارك ، ينعم فيه الطفل والمرأة والرجل بالعدالة الاجتماعية ، والمساواة فى الحقوق والواجبات .
 
futureeve2001@yahoo.om
086-2332649
 
086-2367035
 
 
أنت الزائر رقم

28-فبراير-2014

مرر الماوس فوق الألوان وشاهد تغير الخلفية

أخر تحديث للموقع

 

 

   

قصة نجاح

 

هذه قصة السيدة "ف ع ق " من قرية البرجاية محافظة المنيا والتي يعمل بها المشروع من خلال جمعية الشابات المسيحية بالمنيا تحت مظلة مؤسسة حواء المستقبل بالمنيا .

تبلغ السيدة  من العمر 33 سنة  ومتزوجة وزوجها (عامل مؤقت في منطقة صناعية ) .

وهى تعمل مشرفة تفصيل خياطة بمشغل فى جمعية اهلية  وهى أمية .

ولديها ثلاث أطفال  فى مراحل تعليمية مختلفة بالمرحلة الابتدائية.

ولديها مشكلة اقتصادية وأيضا مشكلة صحية بسبب مرض ابنها بنزيف مستمر من الانف .

تم تشكيل مجموعة الرحمة فى شهر يوليو 2011 و"ف ع ق" هي عضوه فى هذه المجموعة التي تتكون من (16 ) عضوه سعر السهم 3جنية والتكافل 50 قرش ومدة المجموعة (10) أشهر

    وتعرفت "ف ع ق" على فكرة المشروع عندما قامت الجمعية بعمل ندوة لمعرفة ماهى فكرة المشروع  واهدافة .

تحدثت السيدة أن قبل معرفتها بالمشروع كانت عندما تحتاج الفلوس للذهاب إلى الدكتور بابنها تستلف من جارتها مما يعرضها للإحراج وتقول كانت تتعرض للرفض .

عندما قررت الالتحاق بالمجموعة قلت أن دي 3جنية مش بتعمل حاجة مفيدة ولكن بعد مرور ثلاثة أشهر من المجموعة لاحظت حاجات عجبتنى

أولا  زيادة المبلغ  رغم قلة السهم

ثانيا: اننا بنقرب من بعض بنعرف ظروف بعض يعنى ابنى كان بيكون تعبان وانا مع نفس الناس اللي فى المجموعة وكان الموضوع بالنسبة لهم عادى لايتعدى السوال عنة عند مقابلتهم بالصدفة لية .. ولكن لما دخلنا كلنا مجموعة الرحمة ابتدأنا نقرب من بعض نسال على بعض نعرف ظروف بعض فى الحلوة والوحشة كل أسبوع  ونتبادل الزيارات .

        فمثلا كنا فى المجموعة وجاء ابنى من المدرسة وهو بينزف وتعبان والمجموعة قررت اعطائي مبلغ من التكافل علشان اكشف لابنى عند الدكتوروعملت اشعة بتخفيض بنسبة 50% ودي كانت أول مرة اكشف من غير سلف .

  ثالثا : عجبنى أيضا فكرة القروض انا بعرف أخيط كويس وعندي المشغل اللي بخيط في الجمعية فأخذت قرض بمبلغ (152) جنية واشتريت قماش  وبدأت أبيع  بالتقسيط  وفعلا  سددت  قبل  نهاية  القرض  بعد  كده  أخدت  مبلغ  اكبر (300 ) جنية واشتريت القماش بسعر الجملة من المنيا ووسعت المشروع بتاعى بدأت أخيط القماش ملايات وابيعة بالتقسيط وفي الجمعية اللي فيها المشغل ساعدوني إني اعمل جدول علشان اعرف كل واحدة تدفع فى ميعادها والمبلغ كام  وكان أغلبية زبائني من المجموعة منه بسدد القسط وبدخل زيادة للمجموعة وكمان بيكون ليه نسبة فى الخياطة  .

وكمان أن المشروع فتح لينا فصل محو أمية عن طريق فودافون والتحقت بيه علشان اعرف اقرأ الدفتر بتاعى واعرف كمان احسب كويس

  المشروع ساعدني فى تحسين ظروفي المادية وزيادة علاقتي مع الناس وعندى زبائن كثيرة

بدأت أساعد فى تكوين مجموعات جديدة لأساعد الناس على الاستفادة كما استفد من المشروع وبالفعل قمت بتكوين مجموعة من (25) سيدة  اسمها مجموعة شباب الثورة وانا امينة الصندوق بالمجموعة ونجتمع فى البيت عندى بسهم (5) وتكافل (50) قرش

وانا سعيدة لمساعدتى وايضا لمساعدة جيرانى واهلى 

وعن طريق المشروع تم مساعدتى بطلب (ماكينة خياطة ) عن طريق مؤسسة مصر الخير بالفعل تمت زيارة من باحثة لموسسة مصر الخير وتم الموافقة على طلبى .

 
 
 
 
 
 
 
 
 
 
 
 
 
 
 
 
 
 
 

شكرا للمشروع:-

1- ماخلنيش استلف

2- كبرت مشروع الخياطة بتاعى لان زادت علاقاتى عن طريق المجموعات

3- عملت اشعة على ابنى بتخفيض ساعدني فيه المشروع

4- عندى (ماكينة خياطة جديدة )

5- حضرت لقاءات توعية كتير افادتني في حياتي منها لقاءات اجتماعية او مشاركة سياسية

6- اشتركت فى فصل محو الامية

7- حضرت تدريب عن كيفية (صنع الصابون السائل ) ساعدني في التوفير في بيتي

8-  اقترضت مبلغ من جمعية الشابات المسيحية بمبلغ خمسة الاف جنية عن طريق المشروع وباعرف اسدد بانتظام وباقترض كمان من صندوق الادخار ووسعت مشروعي

 

   
         

         
         

 

لكى تشاهد الموقع فى أفضل صورة   أضغط هنا    Install _ Flash Player


درجة الحرارة والساعة فى القاهرة

الساعة الآن       فى جهازك

 

 

   

   

جميع الحقوق محفوظة لمؤسسة حواء المستقبل